HAITI EST UNE ILE D'AMOUR TUMULTUEUSE
HAITI VOICI TON DIEU
Seigneur mon Dieu et mon Père
Tu es si beau! Tu es tellement bon!
Impossible de vivre sans crier de toute mes forces
Ma joie d'être ton enfant, d'acclamer ton nom,
Toi Dieu de vérité!
Du fond de mon âme je sens monter une grande joie
Je veux chanter, danser pour toi.
Tchatcha, Bandyo, Tanbou, Gita, Senbal, Twompèt, lanbi ak flit!
Tous les instruments se marient,
Dans une chanson harmonieuse et mélodieuse
Afin de te rendre grâce.
Tous les animaux d'Haiti, des eaux comme du ciel,
Se joignentà moi pour chanter sans fin : Gloire à Toi!
Öh, quelle fête!
Grande paix dans mon coeur,
Grande joie sur la terre!
Du Nord au Sud,
De l'Est à l'Ouest,
Ton Nom est exalté car tu m'as sauvé la vie!
Tu m'a sauvé du tremblement de terre!
Tu enlèves es fardeaux.
Du fond de l'abîme je t'ai appelé,
Tu m'as repondu et m'a secouru!
Haiti, écoute moi!
Voici ton Dieu!
C'est Lui qui te fera sortir de ta pauvreté
Fais de Lui ton bouclier et ton unique sauveur,
Et Il te fera connaître des jours heureux.
De l'esclavage des haommes, Il t'a libéré!
De l'esclavage de la corruption aujourd'hui, Il veut te libéré,
N'endurcis pas ton coeur.
"Viens et suis mes commendements!" Dit le Seigneur.
"Enseignes-les à tes enfants aussitôt, Je te ferai restituer ton indépendance,
Par ces puissances qui programment ta misère.
De ton voisin, tu seras respecter, toit et tes enfants.
De la mer Je ferai venir la richesse,
De la terre, je ferai germer ta prospérité!
Je me servirai de ton histoire, pour refaire ton visage à la face des nations.
Dans tes grottes, Je cacherai tes trésors,
Ton bonheur seras connu sur toute la terre.
Oui, tu seras respecter!
A cause de Lui des nations viendront s'abaisser devant toi.
Tu recouvreras ta dignité perdue!
Il te feras connâtre des années de bienfaits,
Jusqu'à la fin des lunes!
Nelson BELIZAIRE
DRAPO’N SE SEVO’N DRAPO’N SE SA’N VO
Si drapo’n ap trennen anba pye
Se paske’n bliye sa’n ye
Si drapo’n pa gen valè
Se paske’n paen memwa
Se paske’n pa janm sispann chante kantamwa
Si zansèt nou yo te sakrifye po yo, san yo
Se paske yo pat vle’n konnen menm mepri ke yo
Yo te prèt pou yo ta’l nan lanfè
Pou’n te ka gan yon demen meyè
Yo te koupe kod lonbrik yo ak tout richès ki te genyen
Pou jodi a nan figi’n te ka gen yon nen
Pou’n te ka pa nan trennen kwi’n
Pou yo pat nan krache nan figi’n
A ! A ! A ! A ! A ! A ! A !!!!
Chen manje santiman’n nan po bannann
Nou fwenk tounen yon pèp ki san nanm
Nou tankou chwal kap galyonnen nan savann
Nou paralize nou pèdi manm
Jodi a si’m ta mande’w kote sa te pase
Ou ka di’m ou bliye, wi ou bliye
Ooo ! 18 me wi ! Mpa sezi
Dlo te ka koule nan je’m wi
Si’m pat wè tout lasent jounen manje bliye
Se sèl manje ke ou pa janm sispann manje
DRAPO’N SE SEVO’N DRAPO’N SE SA’N VO
Mwen sonje lè’m te piti
Mwen ak frè’m yo ki te pi piti
Te konn ap chante byen wo
Mon drapeau, po po
Mon joli petit drapeau
Sans asansè nou te konn santi’n wo
Se pou’n leve drapo nou wo
Pou Ayiti ka vi’n pi bèl
Tout lari yo te byen bèl
Drapo te konn aliyen devan tout kay, tout anlè
Tout katye yo te konn dekore ak bèl koulè
Menm lè’n pat gen lajan tout moun te rich
Richès nou se te LISTWA’N
Richès nou se te LESPWA’N
Nan tout lari
Tout moun tap ri
Ri anpe mesye byen abiye
Y’ap mache yap make lepa
Anpil moun t’ap swiv yo pazapa
Se te yon bèl mèvèy
Pat janm gen lobèy
Youn te pwteje lot
Youn te konsidere lot
Paske yo te rive konprann se menm san nou ye
Yo tout alawonnbadè se ayisyen yo ye
DRAPO’N SE SEVO’N DRAPO’N SE SA’N VO
Si drapo se senbol fos
Kisa’k fè fos nou jodi a, FOS ?
Si drapo reprezante fyète,
Kisa’k fè fyète nou jodi a, FYETE ?
Si drpo vle di linite
Kisa’k fè linite nan mitan nou jodi a, LINITE ?
Si drapo’n pèdi valè’l
Se paske pami nou pa gens respè
Si drapo’n pèdi bèlte’l
Se paske’n pa janm pwote’l
Si drapo’n pa senbolize anko lafos
Se paske nan mitan nou divizyon pran fos
Si drapo’n pa vle di linite
Se paske’n marye ak mechanste
Se paske’n poko janm deside
Met enterè mesken’n yo dekote
DRAPO’N SE SEVO’N DRAPO’N SE SA’N VO
Nou kapab montre’n gen sèvo
Lè’n va sispann met verite nan kavo
Lè’n va met listwa’n sou tab
Diskite’l pou’l sispann sanble ak fab
Ya va wè sa’n vo
Lè’n va sispann jije moun sou koulè po
Lè’n va bay enstitisyon’n yo jarèt
Lè’n va aprann tout timoun nou yo fè majorèt
Lè’n va sispann ale nan akèyè
Pou’n ka fè moun wè
Men nan mete jenès peyi a nan fowom
Pou yo bwase lide ak panse bon jan refom
Na fè wè sa’n vo
Lè piti kou gran va wete chapo
Nan kalfou kou nan lakou
Tout moun va kontan mete yo debou
Pour chanter la Dessalinienne
Fierté de la nation haïtienne
Pandan drapo’n ap taye banda’l nan syèl
Epi panse ak zansèt nou yo ki syèl
DRAPO’N SE SEVO’N DRAPO’N SE SA’N VO
BELIZAIRE NELSON, 18mai2007
AYITI OULALA
Mizè’w pi rèd jodi a
Gade yon koze
M’sezi
Men’m anvi ri iiiiii
M’pa ka pale
Nan je’m se san kap koule
Pata pim pata pam
Voup voup
Wololoy
Men nan machwè
Bagay la rèd wi mezanmi
Mizè a di wi vye frè’m
Se manke respè sa
Ooooo !
Magouy tounen nouriti kotidyen nèg yo
Anmwe ! Tèt mwen ap eklate !
Mpa kapb anko!
Nou pa wont?
Nou lèd
Nou lèd anpil wi
Yo di kreyon listwa pa gen gom
Ou kwè se vre
Yon jou se va, Woy! Woy !
Tèt chaje
Lavichè, mmm ! mmm !
Mas men mas !
Tigidip tigidip!
Gade lè’n
Trip nap trip!
Friz nap friz!
Se ko’n ki isit
Lespri’n lot bo lanmè
Peyi? Sa yo rele konsa!
Plezi’n nap pran
Nèg yo bay repiyans
Nèg yo bay degoutans
55pour 6kont 3abstansyon
Yon jou pap gen wout pa bwa
Se vanpi yo ye
Lot yo menm se zonbi yo ye
Se koken yo ye
Lot yo menm se sendenden
Fas atè nou ye
Alanvè nou ye
Devan pot tounen dèyè kay
Ravèt mete kol
Chat mete vès
Chen chita sou chèz boure
Teyat ayisyen entènasyonal !
Banboch !!! Ribanbèl !!!
Chak jou se madigra
Koze mande leve kanpe
Si gen pye !
Nou pran nan twa wa tou nwa
Menm tibagay la
Chak jou yon nouvo senaryo
Il était une fois 1804…
Il était une fois vertière…
Il était une fois Arcahaie…
Notre bonheur se noie dans le passé
Notre mémoire est pendue dans l’arbre du souvenir …
Nap trase vèvè nan kalfou twa doulè
Podyab !!!
Nap konte san mezire
Nap ranmase dlo nan panyen
Ou kwè’n konn sa’n vle ?
Sa’n vle tout bon vre
Se krab nou ye
Nou nan menm panyen
Rale mennen vini
Chacun pour soi, Dieu pour tous…
Roch nan dlo kap griyen dan yo
Sou roch nan solèy
Sauve qui peut!!!!!!!!!!!!!!!
Ayiti ou poko wè !
Souflèt ou pran ou poko janm tonbe
Tak ou pran pyew poko kase
Ou gen sou ou !
Si se pa bouch mwen
Limyè’w va briye yon jou !
BELIZAIRE NELSON
Mercredi 5 août 2009 Gonaïves-23hres
AYITI MANMAN
Ayiti manman map plenn ou
Kotem ye lot bo dlo a
Mwen tande mizèw chak jou
Mwen te panse aprè goudoup goudoup la
Frèm yo tap pran egzanp
Men mwen wè yo se lotè mizèw
Yo pèdi tout valè ak bon legzanp
Yo genlè pa wè lèw
Yo bouche je yo
Yo bouche nen yo
Yo met koton nan zorèy yo
Sak di yo se save
Yo pèdi memwa
Sak di yo se etranje
Yap mache tèt anba
Tout pitit ou yo mouri
Antere vivan anba beton
Douz janvye pou granmesi
Sak soti vivan ap domi anba kay katon
Demagog yo ap ouvè leko
Mimi yo kontinye ap kale wès
Rat yo men map mache dan deyo
Epi ipokrit kontinye ale lames
Nan ounfo tanbo pa woule anko
Yo pèdi rasinn
Kod lonbrik yo mare ak divino
Ayiti manman, kilè syèl la ap fèw yon lot siy?
BELIZAIRE NELSON
Source image: J.C Dorsainvil, l'histoire d'Haïti
http://balawou.blogspot.fr/2011/05/18-mai-fete-du-drapeau-en-haiti.html